भोजपुरी सिनेमा जगत में दिलकश अंदाज, मृग नयनी, मनमोहिनी, मोहक मुस्कान से मन मोह लेबे वाली सिने तारिका रूपा मिश्रा के नयी सनसनी के रूप में आगाज हो चुकल बा. खांटी भोजपुरिया माटी गोरखपुर के मूल निवासी रूपा मिश्रा के अभिनय के जादू जल्दिये रूपहला परदा पर लउके वाला बा. लइकाईं से ही स्कूल आ काॅलेजन के सांस्कृतिक कार्यक्रम में अपना अभिनय के प्रतिभा आ मोहक नृत्य से मन मोह लेबे वाली रूपा मिश्रा के खूब तारीफ होखत रहे. अब इनकर अदा पर सिनेमा प्रेमी जल्दिये फिदा होखे वाला बाड़न. रूपा मिश्रा एक ओरी जहां कई गो फिलिमन के शुटिंग खतम कऽ चुकल बाड़ी ओही जा लगातार कई गो फिलिमन के शुटिंग में भी व्यस्त बाड़ी.
जानल मानल निर्माता - निर्देशक रमाकान्त प्रसाद के फिलिम ‘प्यार किया तो डरना क्या’ के शूटिंग खतम कऽ चुकल बाड़ी. एकरा संगही निर्माता सीताराम शर्मा आ निर्देशक प्रदीप शर्मा के फिलिम ‘जिन्स वाली भौजी’ के भी शूटिंग पूरा कर चुकल बाड़ी. एह फिलिम के नायक राईजिंग स्टार प्रिन्स राजपूत बाड़न. विराज भट्ट अउरी प्रिन्स राजपूत अभिनीत फिलिम ‘बागी भईले सजना हमार’ के शूटिंग में फिलिहाल व्यस्त बाड़ी. ओम साई संसार इंटरटेनमेंट के बैनर तले बन रहल फिलिम के निर्माता विनोद श्रीवास्तव आ निर्देशक आर0 के0 शुक्ला बाड़न. इनकर हाल में प्रदर्शित होखे वाला फिलिम ‘संघर्ष’, ‘प्यार किया तो डरना क्या’, ‘प्रिया तुझे कसम प्यार की’, ‘जिन्स वाली भौजी’ सहित कई फिलिम बा.
